Laisim Ulenaute,
2012 July 14 sunkim 12:00- pan 12:40 ciang minute 40 sung Jesuh nuntakna (Children version) kilak hi. 1990 kiim pawl in khat vei kilakngei kici a, kum 20 sungah a piang kik pan thu ahi hi. Pasian tungahlungdam hang.

Hih a vaihawm pi (coordinator) pen Charity Htoo kici a, i Zomipih ahihi. Kayin pasal nei a, tukum 2012 GOD (Global Outreach Day) makainuahi hi. Kum a moi hangin Pasian a ding a hangsan mahmah numei ahi hi.

Hih thute a pian na dingin YGN khua sung zum tuamtuam banah, Nyi Pyi Daw ah a vialvial in paipai a, thuneite phalna a kingah khit nangawn inmilimbia lam pan a pian loh theihtheih nang nialna lai tampi kikhakhi. Pasian' deih ahih manin a piang thei ahi hi. A diakdiak TV ah akilah dingthu YGN khuasung Bllboard mun 4 ah lianpipi in kisuanga,midang pawlkhat a dingin mitdong mahmah hih tuak hi.

July 14 nitak 4-6 pm sung lungdam koh nitak an kuang um na MCF(Myanmar Christian Forum) le MRTV 4 staff te tawh Shwe Be ansai ahkinei a,Pasian tungah nakpi takin lungdamna kiko hi. MCC GS Rev Saw Shwe Lin in a genna ah "A piang na khempeuh Pasian phalna hang bekbek hi cih

Christian te upna hi a, tuni a thupiang zong a pian loh theih nang nialna tuamtuam kawmkal ah Pasian phalna mah tawh a lawhcing ahihi" ci hi.Lungdam pawi hun ciang hih bang vaihawm kik dingin ngaihsutna om hi.

Galte kithehthangin Kawlgam ah suahtakna lian hong tung ta hen.

Khoi Lam