India gam dan bu ah biakna suahtakna kigelh mahleh a tak in suakta lo hi. July 17 , 2012 in Jawanga, Chhattisgarh state, India ah Hindu extremist 15 ten Khristian te zawhthawhna tawh Hihndu biakna bia sak in vuagawp uh hi.Tua khitciang khua pan in hawl khia uh cih evangelical organization, India ten gen. Evangelical Fellowship of  India te gen dan in June 19 ni-in zong Hindu 150 in Jawanga khua-ah khristian 12 umcih uh hi ci.Hih khua pen India ni suahna lam sChhatisgarh state sung, Dakshin Bastar district a om ahi hi.Tua khristian te zawhthawhna tawh Hindu biak Inn Pendevi Temple ah ki paipih in biakna ki piasak hi cih Akhilesh Edgar, Evangelical Fellowship of India in Open Doors News hilh hi.A kician in a gen loh hangin tua biak piakna khitciangin vua gawp lai uh hih tuak hi.Khristian te a inn ah a ciah ding phal lo in khuasung pan in hawlkhia uh hi.

Khristian ten John Nag,  Jawanga pana km 5 kiim a gamla Geelam ah Pastor a sem kiangah thupuak uh hi.Amah pen Khristian te adingin advocate dan phial-a ki ngaihsun ahi hi. Evangelical Fellowship of India ten Jawanga khua-a Nag leh Asaram Bech inn ah thungen khawm zel uh hi.Amau  Jawang khua-a hausa kiangah  a inn ua ciahkik ding ngen uh a, hausa pa in phal lo hi.Tua ahihmanin tua kristian te Geelam khua-ah om ta dih lai uh hi.

Evangelical group ten case file nai tadih lo uh hi.June 19 a thupiang pen Chhatisgarh a khristian te kibawl siatna nasia pen hi ding hi.April kha  in zong Belgal a mi 300 kiim te si vui ding kimlai Hindu ten buaisak uh hi.Tua khristian te pen hin du pana khristian a ki let ahi uh hi.Mi sawm liam in sih vuina bel district thuneite huhna tawh limtakin zo thei sam uh hi.