Phunom khua mi Pa Gin Suan Mung leh Nu Ciin Khan Man te Inn kuan in 11511 S Locust Ave,Jenks,OK 74037 ah Inn hoih mahmah khat ong lei thei a hih man in i Zomi bup min tawh i lung dam pih mahmah hi.Hih Inn pen Kum 2001 kum in ki lam in 1900Sq Ft zai in Lupna Bedroom 4 om in,Mawtaw buk ah Mawtaw thum nuam tak ki koih thei hi.USD lak$169000 tawh a lei hi -in,Tulsa Zomi te inn  lak ah agol lam pawl hi ding in ki lam en hi.

Tulsa khuapi sung ah Zomi bekbek mi 2000 val bang om in Inn  zong tampi in ki nei khin hi.FGATulsa Pawlpi sung pan Pasian huh na tawh hih Pa Mung te Inn pen a 12 hi ta in asawt lo in Inn kong honpawi bawl ding om lai i hih man in Ibiak Pasian tung ah lung damna lian pi i ko hi.

Hih te pen ki phatsak na hi lo zaw in hunkhat lai in Zomi te Khamtung gamah,Bi Inn hoih tak na ngawn kinei zo lo te hi-in tuin Ibiak Pa Sian in ei te lam loh Mangkang te Innnuam sung ah ong sak ahih man in lungdam kohkoh ding loh ngal i gen ding dang om nawn lo hi.Zomi te ong lam to i Biak Pa Sian min thang semsem ta hen.

Hih Pa Mung te Inn kuan in July 28,2012 ni-in Pasian tung ah lungdam koh na nei in,Tulsa khua sung pan sanggam mel theih teng leh FGATulsa pawl pi sam in,Bawngsa leh Aksa lim mahmah ban ah,Anteh meh lim tuamtuam leh singgah lim mahmah te tawh ong vak in,gil vah tek in nek zawh teh ni tak nai 8:00pm pan biakpiak na ki nei-in Rev.Pau Khan Mung in hun uk in Rev.Dam Suan Mung in han thot na leh a dang tuamtuam te in lung dam pih na thu ki gen ciat hi.

Tulai tak in Pa Gin Suan Mung leh Nu Ciin Khan Man te inta thum nei in Tg.Khoi Suan Pau,Lia. Cing Lam Vung leh Tg.Zam Sian Sang hi-in Pi.Ciin Do Zen leh Lia Do Ngaih Huai te tawh hih Inn nuam mahmah sung ah om uhhi.Topa'n hih Innkuan te thupha ongpiak sak in,Zomi te ading in,Innbulpi leh thupha ong hi sak ta hen.